სსიპ-ივანე ჯავახიშვილის სახელობის თბილისის სახელმწიფო უნივერსიტეტი

ეკონომიკისა და ბიზნესის ფაკულტეტი

დეკანის ბრძანება

                                                                                                                                   

№01/29 - 01

28.01.2022 

ქ.თბილისი

სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ტურიზმის საბაკალავრო და სადოქტორო საგანმანათლებლო პროგრამების თვითშეფასების ჯგუფის შექმნის შესახებ

„უმაღლესი განათლების შესახებ“ საქართველოს კანონის 29-ე მუხლის მესამე პუნქტის „ა“, „ე“ და „თ“ ქვეპუნქტების, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-18 მუხლის მე-4 პუნქტის, 21-ე მუხლის მე–5 პუნქტის „ა“, „კ“ ქვეპუნქტის, მე-6 პუნქტისა და ფაკულტეტის ტურიზმისა და მასპინძლობის მენეჯმენტის კათედრის ხელმძღვანელის 2022 წლის 21 იანვრის წერილის (რეგისტრაციის ნომერი: 625/29) საფუძველზე,

ვბრძანებ:

სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ტურიზმის საბაკალავრო და სადოქტორო საგანმანათლებლო პროგრამების აკრედიტაციის მიზნებისთვის შეიქმნას თვითშეფასების ჯგუფი შემდეგი შემადგენლობით და პასუხისმგებლობებით:

ა) ასოცირებული პროფესორი მერაბ ხოხობაია - ფაკულტეტის სამეცნიერო კვლევებისა და განვითარების სამსახურის უფროსი, თვითშეფასების ჯგუფის ხელმძღვანელი.

ბ) პროგრამის ხელმძღვანელები - პროფესორი იოსებ ხელაშვილი; ასოცირებული პროფესორი ნანა კაციტაძე.

პასუხისმგებლობის სფეროები: საგანმანათლებლო პროგრამის მიზნების, სწავლისვშედეგებისა და მათთან პროგრამის შესაბამისობის აღწერა; მიზნების თსუ მისიასთან შესაბამისობის შეფასება; სწავლების მეთოდოლოგიისა და ორგანიზების, პროგრამის ათვისების ადეკვატურობის დადგენა; შესაბამისი მტკიცებულებებისა და ინდიკატორების შერჩევა; პროგრამის ძლიერი და გასაუმჯობესებელი მხარეების შეფასება.

გ) ასოცირებული პროფესორი მარინა ჩავლეიშვილი - ფაკულტეტის დეკანის მოადგილე.

პასუხისმგებლობის სფეროები: პროგრამის რაოდენობრივი მაჩვენებლების ანალიზი; სტუდენტთა საკონსულატაციო მომსახურების აღწერა, შეფასება, ანალიზი; სტუდენტთა მიღწევებისა და მათთან ინდივიდუალური მუშაობის აღწერა.

დ) ასოცირებული პროფესორი მანანა ლობჟანიძე - ფაკულტეტის დეკანის მოადგილე.

პასუხისმგებლობის სფეროები: პროგრამაში ჩართულ პირთა სამეცნიერო/კვლევითი მაჩვენებლების შეფასება; პერსონალისა და სტუდენტების სამეცნიერო აქტივობის შეფასება; პერსონალისა და სტუდენტების მიღწევების ადგილობრივ პროექტებში ჩართულობის ანალიზი.

პასუხისმგებლობის სფეროები: პროგრამების ინტერნაციონალიზაციისა და საერთაშორისო ურთიერთობების ანალიზი; პერსონალისა და სტუდენტების კვლევითი მონაცემების ანალიზი; პერსონალისა და სტუდენტების გაცვლით პროგრამებსა და ერთობლივ კვლევებში მონაწილეობის ანალიზი.

ე) ირმა მშვენიერაძე - ფაკულტეტის სასწავლო პროცესის მართვის სამსახურის უფროსი; მამუკა ხუსკივაძე - ეკონომიკის დოქტორი, ტურიზმის სკოლის დირექტორის მოადგილე, თსუ-ს პაატა გუგუშვილის სახელობის ეკონომიკის ინსტიტუტის განყოფილების გამგე.

პასუხისმგებლობის სფეროები: პროგრამის რაოდენობრივი მაჩვენებლების დამუშავება; სასწავლო პროცესში ჩართული აკადემიური პერსონალის ანალიზი; აქტიური სტატუსის მქონე სტუდენტების რაოდენობის შეფასება ბოლო 5 წლის მანძილზე; სტუდენტთა შიდა და გარე მობილობის ანალიზი.

ვ) აკაკი მიქაბერიძე - ფაკულტეტის ფინანსური მენეჯერი.

პასუხისმგებლობის სფეროები: საგანმანათლებლო პროგრამების ბიუჯეტების შედგენა; სწავლების ფინანსური რესურსებით უზრუნველყოფის შეფასება; აკადემიური პერსონალისა და სტუდენტების სამეცნიერო მივლინებებისათვის განკუთვნილი ბიუჯეტის შეფასება; ფაკულტეტის ბიუჯეტიდან სასწავლო ლიტერატურისათვის გამოყოფილი ფინანსური რესურსების შეფასება.

ზ) უჩა გოგრიჭიანი - ფაკულტეტის საზოგადოებასთან ურთიერთობის სამსახურის უფროსი.

პასუხისმგებლობის სფეროები: ეკონომიკური პროფილის სამინისტროებთან, ორგანიზაციებთან და უწყებებთან გაფორმებული მემორანდუმების ანალიზი; სტუდენტზე ორიენტირებული გარემოს შექმნის შეფასება.

თ) ბონდო კაკუბავა - ეკონომიკისა და ბიზნესის ფაკულტეტის მატერიალური რესურსების მართვის სამსახურის უფროსი.

პასუხისმგებლობის სფეროები: საგანმანათლებლო პროგრამის მატერიალური რესურსებით უზრუნველყოფის მაჩვენებლების აღწერა და შეფასება, შესაბამისი მტკიცებულებების მომზადება.

ი) თამარ ბაგრატიონი - ფაკულტეტის ბიბლიოთეკის ხელმძღვანელი.

პასუხისმგებლობის სფეროები: პროგრამის სილაბუსების შესაბამისად ძირითადი და დამხმარე ლიტერატურით უზრუნველყოფის დონის შეფასება, ამ მიმართულებით ძლიერი და გასაუმჯობესებელი მხარეების გამოვლენა.

კ) ასოცირებული პროფესორი ვალერი არღუთაშვილი - ტურიზმისა და მასპინძლობის მენეჯმენტის კათედრის წევრი.

პასუხისმგებლობის სფეროები: შრომის ბაზრის შესახებ მონაცემთა მოპოვება-დამუშავება; შრომის ბაზრის კვლევის ანალიზი.

ლ) ია ნაცვლიშვილი -ფაკულტეტის ხარისხის უზრუნველყოფის სამსახურის მთავარი სპეციალისტი.

პასუხისმგებლობის სფეროები: კონსულტაციები განახლებული ეროვნული კვალიფიკაციების ჩარჩოს, უმაღლესი საგანმანათლებლო პროგრამების აკრედიტაციის სტანდარტების, საგანმანათლებლო პროგრამების კონცეფციების, სწავლის შედეგების შედგენის, სწავლის მიზნებისა და შედეგების შესაბამისობის საკითხებზე; სწავლების ხარისხის განვითარების შესაძლებლობების შეფასება.

მ) ნინო ტალიკაძე - ფაკულტეტის ხარისხის უზრუნველყოფის სამსახურის უფროსი სპეციალისტი.

პასუხისმგებლობის სფეროები: ხარისხის უზრუნველყოფის საკითხებთან დაკავშირებული კონსულტაციები პროგრამის ხელმძღვანელებთან და სილაბუსების ავტორებთან. დაინტერესებული მხარეების გამოკითხვის დიაგრამების მომზადება/ანალიზი; საგამნანათლებლო პროგრამის დანართების მომზადება.

ნ) ზვიად სიგუა - ფაკულტეტის სასწავლო პროცესის მართვის სამსახურის მთავარი სპეციალისტი.

პასუხისმგებლობის სფეროები: ფაკულტეტის ვებგვერდზე განთავსებული ინფორმაციის სისრულის და შესაბამისობის შეფასება.

ო) ნინო გოგიაშვილი - სტუდენტი.

პასუხისმგებლობის სფეროები: სტუდენტთა გამოკითხვების ორგანიზებაში მონაწილეობა და რეკომენდაციების შემუშავება პროგრამის სრულყოფის მიზნით.

პ) ქეთი გვიანიშვილი - კურსდამთავრებული.

პასუხისმგებლობის სფეროები: კურსდამთავრებულთა გამოკითხვების ორგანიზებაში მონაწილეობა და რეკომენდაციების შემუშავება პროგრამის სრულყოფის მიზნით.

ჟ) ნინო ურუშაძე - დამსაქმებელი, სასტუმრო „თბილისი-მარიოტი“, „მოქსი თბილისი“, ოპერირების მენეჯერი; გიორგი ხიდეშელი - დამსაქმებელი, ვიზიტ ჯორჯიას მდგრადი განვითარების მენეჯერი. სასწავლო ცენტრის ხელმძღვანელი.

პასუხისმგებლობის სფეროები: საგანმანათლებლო პროგრამის შრომის ბაზრის მოთხოვნებთან შესაბამისობის დადგენა; დამსაქმებელთა ბაზის კორექტირება.

წინამდებარე ბრძანების ფაკულტეტის ოფიციალურ ვებგვერდზე და ყველასთვის ხელმისაწვდომ ადგილზე  განთავსება დაევალოს ფაკულტეტის საზოგადოებასთან ურთიერთობის სამსახურს.

ბრძანება ძალაშია გამოქვეყნებისთანავე.

ფაკულტეტის დეკანი     პროფესორი       გიორგი ღაღანიძე